به گزارش رادیو تاجیکی صدای خراسان به نقل از خبرگزاری دولتی خاور، امامعلی رحمان و محمد اشرف غنی در این پیام ها با ابراز رضایتمندی از روابط دوستانه و حسن همجواری میان جمهوری تاجیکستان و جمهوری اسلامی افغانستان بر ضرورت تحکیم مناسبات همه جانبه میان این دو کشور همسایه تاکید کرده اند.
رییس جمهوری تاجیکستان تاکید کرده است که گسترش همکاری های سیاسی، اقتصادی و تجاری، حمل و نقل و انرژی میان این کشور و افغانستان از اولویت های سیاست خارجی دولت این جمهوری است.
رییس جمهوری افغانستان نیز در پیام تبریک خود به مناسبت فرا رسیدن بیست و پنجمین سالگرد برقراری روابط دیپلماتیک میان این دو کشور با اشاره به فرهنگ و تمدن مشترک مردمان افغانستان و تاجیکستان، رشد و پیشرفت تاجیکستان و سربلندی و سرافرازی این کشور را خواستار شده است.
https://ccsi.ir//vdccioqs.2bqep8laa2.html
ccsi.ir/vdccioqs.2bqep8laa2.html